الرئيسية
وفوا ترى اصعب شي في الدنيا تكتب مقدمة موضوع مصرقع ، يعني من المقدمة يا يقول العضو وش ذا المقدمة البطله وتسلك امورك يا يقول يلعن ام السماجة ويسحب عليك وهذا الظاهر والله أعلم ، المهم إن المقدمة هنا أكيد من الصنف الأول ويلعن ام الثقه ياعالم ، ماعلينا ، هالقصه دارت احداثها في عام 2001 أيام ماكنت أحاول احرر فتاة مسحوره من كيد ساحره بنت كلب .. تجيكم السالفة
في ليلة من ليال الحلزون ، قمت من النوم الساعه ثلاث الفجر ، نزلت المطبخ ادور شي ينوكل واسد به جوعي ، الغريب اني مالقيت أحد صاحي في البيت وكل اللمبات طافية ، رحت المطبخ و صلحت لي صامولي وكوب شاهي وفتحت التلفزيون ، اناظر ؟؟ " لا يمكن عرض القناة تأكد من توصيل الكيبل " والتفت ورى الرسيفر والا الكيبل مشبوك وكل شي تمام ! ، قفلت معي حاولت يمين يسار ماش ، قلت بلعنة ، رحت جبت اللابتوب قلت افتح المسنجر اسولف مع ابو ديزاين ولو انه يرفع الضغط لكن الشكوى لله ، حاولت في النت لكن برضو عيا يشتغل الله يلعن امه !! ، وفجأة تطفى لمبات البيت كله وينقطع الكهرب !! أناظر جوالي مافيه ولا برج في الشبكه !! نقزت لأقرب غرفة افتح الباب مقفل .. اطق الباب محد يرد علي ! ، كل البيبان مقفله ولا فيه احد يرد .. طقتني روعه ماعمري في حياتي ارتعت مثلها !! رجعت بسرعه للابتوب قلت ابحاول في النت ان شاء الله يضبط .. لقيت في اللابتوب شاشة زرقاء مكتوب فيها : " تم اختيارك للمهمة الأخيرة على كوكب الأرض ، قم بفصل سلك الدش من الرسيفر واشبك سلك النت الآن " ولقيت تحت الرساله عداد يمشي وباقي 20 ثانية ، طرت للرسيفر وشبكت سلك النت و ..... !!
التلفزيون شاشته سودا .. وفيه صوت صراخ بنت ، وصوت ضحكه خبيثه ، بعدين طلع لي شايب منزل راسه و حاط على راسه شال بني قديم و لحيته واصله الى سره وقال : " مشقاص .. أنت الأمل الوحيد لفك تعويذة الساحره مرجانة ، لك حتى يوم الأربعاء ، بعدها راح تعرف مرجانة انك حر وراح تسحرك وتجمدك ، مشقاص .. أنت الأمل الوحيد .. أنت الأمل الوحيد .. أنت الأمل الوحيد ...... " !! ، هي بس طقتني روعه ؟ الا بغيت اموت ! رجعت للابتوب ولقيت نفس الشاشة مكتوب عليها :
" لكي تبدأ مهمتك ، أنت الآن في عام 2101 م ، يوجد على الأرض شخص يستطيع مساعدتك اسمه فاهم غلط .. اذهب الى مجمع الراشد هناك مدينة ألعاب في قبو المجمع بتلقى فاهم غلط زابن في كاشير بيع التذاكر ؛ لا أستطيع مساعدتك أكثر من كذا ، سيتم الإتصال بك في الحالات القصوى ، حاول أن تكون خفيّاً .. وداعاً " :grins:
بصراحه قعد أفكر في الموضوع ، الساحره و فاهم غلط وتعويذة ومدري وشو ، قلت الله يلعنك يا مشقاص لا يكون العقل الباطن قاعد يهك عليك ثمّن تدخل في قروب الزلايب ، قعدت اقبّص عمري والا والله السالفه صدق قلت ابروح غرفتي البس واروح للراشد مالي الا كذا ! ، وادخل غرفتي وانفجع فجعة بنت كلب يوم شفتني نايم على سريري ! يعني مشقاص اللي هو أنا نايم قدامي ، طحت على ركبي وقعدت اصيح و اقول ياربي وش اسوي ياربي << ياعيني انت ، المهم استجمعت قواي الي بقت وفتحت دولابي و طقيت تكميلة أديداس كانت محطوطه في الدولاب من 2001 ، خذت جوال كنت حاطه في الكمدينة وقافل عليه ، المهم طلعت ركبت موتري وشغلته بالطقاق .. رحت الراشد.
الراشد منظره مرعب جداً ، متكسر و حالته حاله ، القزاز طايح و الأبواب مكسره و ظلام مرررعب ، دخلت وانا ركبي تتصافق نزلت للقبو والقى نور شمعه طالعه من الكاشير و واحد يغني " زمان الصمت .. ياعمر الحزن والشكوى " رحت وقلت ( السلام عليكم .. فاهم ؟ ) ، رد علي ( هلا مشقاص وشلونك ؟ مابغيت توصل ياخوي ! ) ، انا مدري ذا الأدمي وش يبي قلت له ممكن اعرف وش السالفه الحين ؟؟
فاهم غلط : شف يا مشقاص ، الموضوع معقد وانا اخوك ، خلاصة الساالفه ان فيه ساحره اسمها مرجانه ، نفثت في الأرض بتعويذه بنت كلب ، خلت البشر كلهم جماد ، وقفت التكنولوجيا و كل شي وخلت الوقت يمشي صاروخ ، الساعه بخمس سنوات ! ولها الآن 20 ساعه من نفثت التعويذة ولو كمّلت يوم كامل راح يتفجر كوكب الأرض ونروح ملح ، المشكلة ان التعويذة ما راح تنفك إلا لما تتحرر الفتاة تماظر من أسر الساحرة ، وعشان نفك البنت هذي لازم ندخل لأحد المنتديات اسمه منتدى الصرقعة ! فيه يوزر اسمه قروي نجد موجود في صندوق رسايلة الخاصة خريطة لمكان الساحره جمانة و كيف تفك تماظر من السحر ، طبعا أنت تدري أن كل انواع التكنلوجيا معطله الحين وحنا ماكلين تبن ماندري وشلون نوصل للمنتدى ! وانت الوحيد اللي تقدر تروح لأنك مراقب عام وممكن تغير باسوورد قروي نجد وتدخل باسمه !!.
أنا : ياخي اذا كانت التكنلوجيا معطله وشلون تبيني ادخل النت ؟ بلا استهبال تكفى ! بعدين انت وش قاعد تزين هنا ورى ماسويت شي ؟
فاهم غلط : أنت اكيد شفت الطاهر !
أنا : وش الطاهر ذا ؟
فاهم غلط : الطاهر يالزلابه هو اللي طلع لك في التلفزيون وقال لك أنت الأمل الوحيد .. أنت الأمل الوحيد .. أنت الأمل الوحيد !
مشقاص : طيب مالها داعي تعيد الجملة بصدى ياحجش اعرفها .. وش قصته الطاهر ذا ؟
فاهم غلط : الطاهر هو اللي قدر يحميني انا واياك من تعويذة جمانة ، أنا عندي قدرة إني اصغر كل شي على الأرض إلى أي حجم أبيه !!
مشقاص : أيووووه ! طيب وانا وش قدرتي تكفى تكفى علمني ؟ <<
فاهم : لا تقاطعني ، فيه خط ألياف بصرية مازال يشتغل تحت المحيط الأطلسي والخط هذا مشبوك بسيرفر سري لوكالة ناسا اعتقد مرجانة ماكانت تدري عنه ! ، الطريقة الوحيده عشان توصل للمنتدى اني اصغرك بحجم ذبذبة كهربائية وتروح للسيرفر عن طريق الخط ذا ! مافيه الا هالحل والا راح نموت كلنا بعد أربع ساعات !
مشقاص : كل تبن بس .. مع السلامه
طلعت من الراشد وانا اقول في خاطري : لاقيني ذا الزلابه ؟ وش اللي ذبذبة و ألياف بصرية ، والله لوني مسنجر ! ، بصراحه وانا راجع في الطريق قلت في نفسي " يلعن شكلك لو السالفه صدق ؟ ترى ارواح العالم ذي كلها برقبتك ! لا توهقنا يوم القيامة والله ان تاكل تراب ". رجعت لفاهم التبن وقلت له : طيب وش الوضع الحين ؟ انت صاحي تبيني اوصل للمحيط الأطلسي وانا مامعي الا مازدا ؟؟ بعدين وش ذا الطياره اللي بتوديني فيذاك بأقل من ساعه ! ، قال لي بعد ما تجمدت الأرض ومن عليها صار فيه ثقب في الزمن في شارع نكاس في الرياض ، من الثقب هذا ممكن نوصل لأي نقطة في الارض بظرف ثواني !! المشكلة اننا نبي طريقة نوصل فيها للرياض بأقل من ساعه ! ، قمت تليت فاهم غلط ونقزت به لكورنيش الخبر أخبر فيه بوغاتي دايم واقف فيذاك ، ركبنا البوغاتي وهي الدزة للرياض ، نمشي 400 ، الزبده وصلنا في حدود الساعه تقريباً ، وعلى شارع نكاس ، لين وصلنا للثقب اللي يقول عليه فاهم .
دخلنا مع الثقب والا شي مايُصدق صراحه << لا ؟ أجل موضوعك اللي يُصدق من أوله ياحمار ؟؟ ، الثقب ذا تدخل معه فيه بيبان واجده ، كل باب مكتوب عليه اسم المدينة ، يعني مثلا " تكساس ، نيودلهي ، بريجووتر ، الدوادمي .. الخ " وصلنا عند باب عليه قفل يال مكتوب عليه " الأطلسي " ، طلع فاهم مفتاح وفتح الباب وقال لي شف ... :
" انت الحين راح تدخل مع الباب ، بعدها راح تكون في قعر المحيط ، بيشطفك قرش مكيّم حاول تتمسك فيه ، أول ماتتمسك فيه بيدز روّاسي تحت ! لما تشوف شي ينور افلت القرش وادخل في السلك على طول لأنه بيتقفل ! الحين انا بخليك قزم ! " .. وفعلاً حوّلني فاهم غلط لنقطه ! ، لدرجة انه لا يستطيع رؤيتي بالعين المجرده ، يبيله مجهر ملعون والدين ، المهم سديت خشمي واطب مع الباب .. وفعلاً كل اللي قاله فاهم صحيح .. تمسكت بالفرش و لقيت السلك ودخلت فيه ....
ياربييييه ، قسم بالله شي ابن كلب ، تخيل نفسك تتمشى في سلك الياف بصرية ، تشوف المواقع من ورى وتناظر اللي يشبكون و تشوف اشكال البنات << حشى داخل غرفه موب كيبل ! ، المهم ان الوضع ابن كلب ، حتى انك تشوف أقسام المنتدى وشلون مربّطه بالستايل قسم بالله إبداع << كل تبن واخلص علينا ، المهم اني طرت طيران لمنتدى الصرقعة ودخلت للكنترول وغيرت باسوورد قروي نجد ودخلت وفتحت صندوق الرسايل .. ويا ليل الليل !! لقيت هالرساله :
وصار اللي مكتوب في الرساله ، وجت تماظر على وجهها و حجرتها في الوكر العاشر وفجّرت المنتدى ورجعت الأرض زي أول وصرنا موب جمادات .. ورجعت بيتنا لقيت الرسيفر يشتغل والنت تمام وأهلي يقولون وينك ماجيت تتغدى ، ابتسمت ابتسامت مكر والتفت للطاقة لقيت على سطح جيرانا الطاهر واقف هو وفاهم غلط يلوحون لي بيدينهم وفجأة اختفوا .. بعدها جتني رساله على الجوال من الطاهر يقول : أنت بطل الأرض.
إنتهت
منقول
اتمنى يعبجكم
في ليلة من ليال الحلزون ، قمت من النوم الساعه ثلاث الفجر ، نزلت المطبخ ادور شي ينوكل واسد به جوعي ، الغريب اني مالقيت أحد صاحي في البيت وكل اللمبات طافية ، رحت المطبخ و صلحت لي صامولي وكوب شاهي وفتحت التلفزيون ، اناظر ؟؟ " لا يمكن عرض القناة تأكد من توصيل الكيبل " والتفت ورى الرسيفر والا الكيبل مشبوك وكل شي تمام ! ، قفلت معي حاولت يمين يسار ماش ، قلت بلعنة ، رحت جبت اللابتوب قلت افتح المسنجر اسولف مع ابو ديزاين ولو انه يرفع الضغط لكن الشكوى لله ، حاولت في النت لكن برضو عيا يشتغل الله يلعن امه !! ، وفجأة تطفى لمبات البيت كله وينقطع الكهرب !! أناظر جوالي مافيه ولا برج في الشبكه !! نقزت لأقرب غرفة افتح الباب مقفل .. اطق الباب محد يرد علي ! ، كل البيبان مقفله ولا فيه احد يرد .. طقتني روعه ماعمري في حياتي ارتعت مثلها !! رجعت بسرعه للابتوب قلت ابحاول في النت ان شاء الله يضبط .. لقيت في اللابتوب شاشة زرقاء مكتوب فيها : " تم اختيارك للمهمة الأخيرة على كوكب الأرض ، قم بفصل سلك الدش من الرسيفر واشبك سلك النت الآن " ولقيت تحت الرساله عداد يمشي وباقي 20 ثانية ، طرت للرسيفر وشبكت سلك النت و ..... !!
التلفزيون شاشته سودا .. وفيه صوت صراخ بنت ، وصوت ضحكه خبيثه ، بعدين طلع لي شايب منزل راسه و حاط على راسه شال بني قديم و لحيته واصله الى سره وقال : " مشقاص .. أنت الأمل الوحيد لفك تعويذة الساحره مرجانة ، لك حتى يوم الأربعاء ، بعدها راح تعرف مرجانة انك حر وراح تسحرك وتجمدك ، مشقاص .. أنت الأمل الوحيد .. أنت الأمل الوحيد .. أنت الأمل الوحيد ...... " !! ، هي بس طقتني روعه ؟ الا بغيت اموت ! رجعت للابتوب ولقيت نفس الشاشة مكتوب عليها :
" لكي تبدأ مهمتك ، أنت الآن في عام 2101 م ، يوجد على الأرض شخص يستطيع مساعدتك اسمه فاهم غلط .. اذهب الى مجمع الراشد هناك مدينة ألعاب في قبو المجمع بتلقى فاهم غلط زابن في كاشير بيع التذاكر ؛ لا أستطيع مساعدتك أكثر من كذا ، سيتم الإتصال بك في الحالات القصوى ، حاول أن تكون خفيّاً .. وداعاً " :grins:
بصراحه قعد أفكر في الموضوع ، الساحره و فاهم غلط وتعويذة ومدري وشو ، قلت الله يلعنك يا مشقاص لا يكون العقل الباطن قاعد يهك عليك ثمّن تدخل في قروب الزلايب ، قعدت اقبّص عمري والا والله السالفه صدق قلت ابروح غرفتي البس واروح للراشد مالي الا كذا ! ، وادخل غرفتي وانفجع فجعة بنت كلب يوم شفتني نايم على سريري ! يعني مشقاص اللي هو أنا نايم قدامي ، طحت على ركبي وقعدت اصيح و اقول ياربي وش اسوي ياربي << ياعيني انت ، المهم استجمعت قواي الي بقت وفتحت دولابي و طقيت تكميلة أديداس كانت محطوطه في الدولاب من 2001 ، خذت جوال كنت حاطه في الكمدينة وقافل عليه ، المهم طلعت ركبت موتري وشغلته بالطقاق .. رحت الراشد.
الراشد منظره مرعب جداً ، متكسر و حالته حاله ، القزاز طايح و الأبواب مكسره و ظلام مرررعب ، دخلت وانا ركبي تتصافق نزلت للقبو والقى نور شمعه طالعه من الكاشير و واحد يغني " زمان الصمت .. ياعمر الحزن والشكوى " رحت وقلت ( السلام عليكم .. فاهم ؟ ) ، رد علي ( هلا مشقاص وشلونك ؟ مابغيت توصل ياخوي ! ) ، انا مدري ذا الأدمي وش يبي قلت له ممكن اعرف وش السالفه الحين ؟؟
فاهم غلط : شف يا مشقاص ، الموضوع معقد وانا اخوك ، خلاصة الساالفه ان فيه ساحره اسمها مرجانه ، نفثت في الأرض بتعويذه بنت كلب ، خلت البشر كلهم جماد ، وقفت التكنولوجيا و كل شي وخلت الوقت يمشي صاروخ ، الساعه بخمس سنوات ! ولها الآن 20 ساعه من نفثت التعويذة ولو كمّلت يوم كامل راح يتفجر كوكب الأرض ونروح ملح ، المشكلة ان التعويذة ما راح تنفك إلا لما تتحرر الفتاة تماظر من أسر الساحرة ، وعشان نفك البنت هذي لازم ندخل لأحد المنتديات اسمه منتدى الصرقعة ! فيه يوزر اسمه قروي نجد موجود في صندوق رسايلة الخاصة خريطة لمكان الساحره جمانة و كيف تفك تماظر من السحر ، طبعا أنت تدري أن كل انواع التكنلوجيا معطله الحين وحنا ماكلين تبن ماندري وشلون نوصل للمنتدى ! وانت الوحيد اللي تقدر تروح لأنك مراقب عام وممكن تغير باسوورد قروي نجد وتدخل باسمه !!.
أنا : ياخي اذا كانت التكنلوجيا معطله وشلون تبيني ادخل النت ؟ بلا استهبال تكفى ! بعدين انت وش قاعد تزين هنا ورى ماسويت شي ؟
فاهم غلط : أنت اكيد شفت الطاهر !
أنا : وش الطاهر ذا ؟
فاهم غلط : الطاهر يالزلابه هو اللي طلع لك في التلفزيون وقال لك أنت الأمل الوحيد .. أنت الأمل الوحيد .. أنت الأمل الوحيد !
مشقاص : طيب مالها داعي تعيد الجملة بصدى ياحجش اعرفها .. وش قصته الطاهر ذا ؟
فاهم غلط : الطاهر هو اللي قدر يحميني انا واياك من تعويذة جمانة ، أنا عندي قدرة إني اصغر كل شي على الأرض إلى أي حجم أبيه !!
مشقاص : أيووووه ! طيب وانا وش قدرتي تكفى تكفى علمني ؟ <<
فاهم : لا تقاطعني ، فيه خط ألياف بصرية مازال يشتغل تحت المحيط الأطلسي والخط هذا مشبوك بسيرفر سري لوكالة ناسا اعتقد مرجانة ماكانت تدري عنه ! ، الطريقة الوحيده عشان توصل للمنتدى اني اصغرك بحجم ذبذبة كهربائية وتروح للسيرفر عن طريق الخط ذا ! مافيه الا هالحل والا راح نموت كلنا بعد أربع ساعات !
مشقاص : كل تبن بس .. مع السلامه
طلعت من الراشد وانا اقول في خاطري : لاقيني ذا الزلابه ؟ وش اللي ذبذبة و ألياف بصرية ، والله لوني مسنجر ! ، بصراحه وانا راجع في الطريق قلت في نفسي " يلعن شكلك لو السالفه صدق ؟ ترى ارواح العالم ذي كلها برقبتك ! لا توهقنا يوم القيامة والله ان تاكل تراب ". رجعت لفاهم التبن وقلت له : طيب وش الوضع الحين ؟ انت صاحي تبيني اوصل للمحيط الأطلسي وانا مامعي الا مازدا ؟؟ بعدين وش ذا الطياره اللي بتوديني فيذاك بأقل من ساعه ! ، قال لي بعد ما تجمدت الأرض ومن عليها صار فيه ثقب في الزمن في شارع نكاس في الرياض ، من الثقب هذا ممكن نوصل لأي نقطة في الارض بظرف ثواني !! المشكلة اننا نبي طريقة نوصل فيها للرياض بأقل من ساعه ! ، قمت تليت فاهم غلط ونقزت به لكورنيش الخبر أخبر فيه بوغاتي دايم واقف فيذاك ، ركبنا البوغاتي وهي الدزة للرياض ، نمشي 400 ، الزبده وصلنا في حدود الساعه تقريباً ، وعلى شارع نكاس ، لين وصلنا للثقب اللي يقول عليه فاهم .
دخلنا مع الثقب والا شي مايُصدق صراحه << لا ؟ أجل موضوعك اللي يُصدق من أوله ياحمار ؟؟ ، الثقب ذا تدخل معه فيه بيبان واجده ، كل باب مكتوب عليه اسم المدينة ، يعني مثلا " تكساس ، نيودلهي ، بريجووتر ، الدوادمي .. الخ " وصلنا عند باب عليه قفل يال مكتوب عليه " الأطلسي " ، طلع فاهم مفتاح وفتح الباب وقال لي شف ... :
" انت الحين راح تدخل مع الباب ، بعدها راح تكون في قعر المحيط ، بيشطفك قرش مكيّم حاول تتمسك فيه ، أول ماتتمسك فيه بيدز روّاسي تحت ! لما تشوف شي ينور افلت القرش وادخل في السلك على طول لأنه بيتقفل ! الحين انا بخليك قزم ! " .. وفعلاً حوّلني فاهم غلط لنقطه ! ، لدرجة انه لا يستطيع رؤيتي بالعين المجرده ، يبيله مجهر ملعون والدين ، المهم سديت خشمي واطب مع الباب .. وفعلاً كل اللي قاله فاهم صحيح .. تمسكت بالفرش و لقيت السلك ودخلت فيه ....
ياربييييه ، قسم بالله شي ابن كلب ، تخيل نفسك تتمشى في سلك الياف بصرية ، تشوف المواقع من ورى وتناظر اللي يشبكون و تشوف اشكال البنات << حشى داخل غرفه موب كيبل ! ، المهم ان الوضع ابن كلب ، حتى انك تشوف أقسام المنتدى وشلون مربّطه بالستايل قسم بالله إبداع << كل تبن واخلص علينا ، المهم اني طرت طيران لمنتدى الصرقعة ودخلت للكنترول وغيرت باسوورد قروي نجد ودخلت وفتحت صندوق الرسايل .. ويا ليل الليل !! لقيت هالرساله :
وصار اللي مكتوب في الرساله ، وجت تماظر على وجهها و حجرتها في الوكر العاشر وفجّرت المنتدى ورجعت الأرض زي أول وصرنا موب جمادات .. ورجعت بيتنا لقيت الرسيفر يشتغل والنت تمام وأهلي يقولون وينك ماجيت تتغدى ، ابتسمت ابتسامت مكر والتفت للطاقة لقيت على سطح جيرانا الطاهر واقف هو وفاهم غلط يلوحون لي بيدينهم وفجأة اختفوا .. بعدها جتني رساله على الجوال من الطاهر يقول : أنت بطل الأرض.
إنتهت
منقول
اتمنى يعبجكم
